محتويات لوحة مهامي 💌📌
يونيو 13, 2020اهلاً بنات💗
بما انو صار عندي لوحة مهام ,صممت بعض من محتوياتها والبعض الاخر طبعتها جاهزه، قلت اوريكم ايش حطيت فيها، امكن تحبو شي منها وتطبقوها .
1- To do list
لما يكون يومي مليان اشغال ومو عارفة ابدأ بأيش ومتكسله اقوم، اروح اكتبها في "To do list" زي دي ترتبلي افكاري واتحمس اخلص شغلة عشان اشخط عليها وامسك اللي بعدوا لين اخلصها واشخط عليها كلها تنفع للناس الي يحبو التحديات وما يحبوا يخسروا لاني احسوا تحدي ليا لازم اخلص اللسته كامله وافوز بالتحدي مع نفسي 😂 .
2- تقويم شهري
تقويم للشهر فقط التواريخ وكتبت دعاء تحت اسم الشهر "اللهم اياما مبشره وخيرات لا تزول" هنا الشهر مو كامل لأني بدأت من نص الشهر .
3- تقويم شهري + مهام شهرية
تقويم وفي نفس الوقت اكتب فيها مواعيدي المهمه في الشهر زي موعد مستشفى - مناسبه بحضرها - موعد اختبار قياس - مقابلة عمل.
4- مهام اسبوعيه
هنا اكتب ايام الأسبوع "غالباً اشيل يوم الجمعة لأن مهامها مختلف عن الأيام الباقيه"، واحط فيها المهام الاسبوعيه زي سقي النبات - تنظيف غرفتي - يوم غسيل المطبخ - الأيام الي اسوي فيها رياضة .
5- مهام يوميه
هنا اكتب الاشياء الي اسويها كل يوم ما تتغير العاده اكتب وحده اطول من هذي بس عشان حاسه بكسل هذا الاسبوع فحطيت اشياء بسيطه، نهاية يومي اشوف ايش الي سويتوا واحط عنده صح.
6- صورة حلوة ليكي
هنا حاطه صورتي عشان كل ما اشوفها اقلها كلام حلوو "لا تستني كلام محفز من أحد لو لقيتي شخص يحفزك خير وبركه ولو ما لقيتي قوليه لنفسك، حتى المدح لا تستنيه من احد طالعي في صورك وقوليلها قد ايش انتي حلوه وركزي على الاشياء الجميله والي مو عاجبك اتقبليه، قولي لنفسك انك قويه وتستحقي الحلوو دايما" ❤️.
7- كلام محفز
هنا طابعة مجموعة تغريدات تحفزني وتدعمني في يومي وكل فترة اغير الكلام، وبالمناسبه الي عنده تويتر يتابع عبدالله القاسم اكثر انسان كلامه يريحني واحسه يوصف اللي حاسه فيه بالضبط وغير عن اي كلام ايجابي هذا كلامه واقعي من حياتنا وفيه كمان دكتور اسامه الجامع نفس الشي يعطينا كلام واقعي قابل للتطبيق.
هذي حساباتهم على تويتر:
8
اتوقع واضح ما يحتاج اشرح 😊.
9- كتاب الأسبوع
هنا اقسم صفحات الكتاب الي بقراءه على عدد ايام الاسبوع ولو الكتاب صفحاته كثيره اخليها على اسبوعين هذي الحركة تخليني ما اتكاسل عن القراءة واللتزم بعدد الصفحات واخلص الكتاب في اسبوع جربوها للي يتكاسل زيي طبعاً ما يحتاج اقول ليشش لازم نقرأ!! بنات لازم نقرأ كيف نعيشش من غير قراءه، اول كلمة في القرآن اقرأ، مهم مهم مهم نقرأ إن شاء الله كتاب في الشهر اهم شي نقرأ .
10- عجلة العادات
هنا اكتب العادات الايجابيه الي ابغى تكون فيه او العادات السلبيه اللي ابغى اتخلص منها .
11- دبابيس
الدبابيس اللي اعلق بيها الورق 😬 .
وبسس خلصت لوحتي البسيطه إن شاء الله تستفيدوا منها .
احبكم 💘.
4 التعليقات
ماشاء الله حمستينا نسوي زيها
ردحذفبسري سويتي ولا ليه؟ لو لسه ايششش تستني!!
حذفالسلام عليكم ورحمة الله وبركاته
ردحذفمعك بدور. وانا طالبة ماجستير واعمل بحث حول اللغة المستخدمة في المدونات.
أحد أدوات البحث استبيان عن التناوب اللُغوي بين اللغة العربية الفصحى والدارجة في المُدونات.
أتمنى التكرم والإجابة عليه ونشره بين المُدونين إن أمكن.
شاكرة حسن تعاونكم.
الاستبيان:
السلام عليكم ورحمة الله وبركاته
هذا الاستبيان يسعى لدراسة ظاهرة التناوب اللُغوي في الكتابة بين المُدونين والمُدونات.
أتمنى من كتاب المدونات رجالًا ونساءًا التكرم بالإجابة على أسئلة الاستبيان الآتي. شاكرين لكم حسن تعاونكم.
https://forms.gle/1QMCH9aQbRYv39DR9
معليش شفتو متأخر 😢
حذف